(VU-Study-Corner) Ab bhala chor k Ghar kia kartay..........By Perveen Shakir

Ab bhala chor k Ghar kia kartay
Shaam k waqt Safar kia kartay

Teri Masroofiyatein jaante thay
Apne aane ki Khabar kia kartay

Jab Sitare he nahe mil paye
Le k hum Shams-o-Qamar kia kartay

Woh Musafir he khuli Dhoop ka tha
Saaye phaila k Shajar kia kartay

Khaak he Awwal-o-Aakhir thehri
kar k Zarray ko Johar kia kartay

Raaye pehle se he bana li Tu ne
Dil mei ab hum tere Ghar kia kartay

Ishq ne saare Saliqay bakhshe
Husn se Kasb-e-Hunar kia kartay


Parveen Shakir

--

--
Join us at facebook: https://www.facebook.com/VU.Study.Corner
 
Group Link: http://groups.google.com/group/VU-Study-Corner?hl=en
 
Group Rules: http://groups.google.com/group/VU-Study-Corner/web/group-rules
 
Unsubscribe: VU-Study-Corner+unsubscribe@googlegroups.com
 
Adult contents, Spamming, Immoral & Rudish talk, Cell number, Websites & Groups links specially in paper days are strictly prohibited and banned in group.