Wo aksar mujh sey kehta tha
"tum lagti kaanch ki gurya ho,
Meray dil key gulshan mey
Chehakney wali chirya ho,
Dil baahoo'n mey bharney ko
Jisey bey chain rehta hey,
Per meray ander I Dar
Mujh sey kehta hey,
Meray haathoo'n sey kaheen …
Tum chhoot na jaao,
Zara is thaes puhnchey
Aur tum toot na jaao,
Kabhi na bey khudi mey kaheen …
Main aisey beh jaaoo'n
Kisi lamhey ki grift ho
Kuch un chaaha as keh jaaoo'n",
Main ney kaha kyun is qadar
Tum qismat sey dartey ho,
Her pal kyun dil-o-dimaagh ki
Ye jang ladtey ho,
Phir yun huwa ki us ney apna
Her Dar suna daala,
yaadoo'n key jism pey laga
Her zakhm dikha daala,
"key zindagi key dahaktey rang
Jo AB tak main ney hein paaley
Kabhi wo aisey na bhadkey
Key tum ko jala daaley,
Badhtey badhtey na badh jaaey
Tumhaarey qurb ki khawhish is qadar,
Taqdeer tumhey durr kheenchay
Main paas aaon jis qadar,
Tou main ney chun liya mushkil safar
Aur ye aalam-e-tanhaee,
Tumhey tootta dekhnay sey hey
Piyaari mujhey judaee",
Phir na ruka aik bhi lamhey
Wo meray paas,
Aur saath apney ley geya
Meri her I aas,
Pehlay TU phir bhi haasil tha
Mujhey uska thoda saath,
Her pal ki aarzoo mein per AB!
Reh gayi hoon khaali haath,
No comments:
Post a Comment